Oddbjørn Ramstad er fødd og oppvaksen i Skjåk, men har budd dei siste tjue åra på Kaupanger i Sogn. Han er utdanna lærar og har 16 års erfaring med undervisning i grunnskulen. Men det er på trekkspelet han er mest kjend. Han gjorde første opptaket sitt i radio i 1967, og har sidan etablert seg som ein av dei dyktigaste på sitt instrument her i landet. Her i fylket har han vore på mange turnéar, både for “Bokbåten”, “Kulturbåten” og for Rikskonsertane. Oddbjørn gav i 1994 ut ei CD-plate med eigne slåttar; “Sognedølen” med “Ramstadlaget”. Same året fekk han også Sogndal kommune sin kulturpris. Oddbjørn har vore tilsett som folkemusikar i Sogn og Fjordane fylke sidan 1989.