Elin er opprinneleg frå Bærum, men har slektsrøter i Sogn, og har budd i Nordfjord sidan 1976. Ho har tileigna seg stor kjennskap til dei folkelege musikk- og dansetradisjonane i fylket vårt, fyrst og fremst gjennom studiar og innsamlingsarbeid. Ho er dessutan svært aktiv når det gjeld å formidle denne kunnskapen vidare, både på konsertturnéar for m.a. Rikskonsertane og dessutan undervisning i musikkskule og i det friviljuge musikkliv. Elin har også gjort det svært godt i ulike kappleikssamanhengar, og blir i dag rekna som ei av dei fremste formidlarane i landet når det gjeld vokal folkemusikk. I 1998 gav ho ut plata "Almuens Sanger",  med tekstar av diktarpresten Claus Frimann.