22,6% til NKP i Oslo.

    Nei, det er sjølvsagt ønsketenking. Men like fullt var det omtrent dette som skjedde i Berlin ved valet sist søndag. PDS, arvtakarane etter kommunistpartiet, fekk denne prosenten samla for heile byen. I austlege bydelar har partiet over 50%. Men også i Vest-Berlin er partiet nå over sperregrensa, og større enn SVs søsterparti Die Grünen.

    Og ikkje berre det: Det kristeleg-demokratiske CDU, som svarer omtrent til vår nåverande regjeringskoalisjon, fekk omtrent samme stemmetal som kommunistpartiet PDS! Det var sosialdemokratane som vart største parti.

    Ein skulle tru at dette var ei såpass sensasjonell nyheit at norske media ville melde om det. NRK og norsk presse har aldri tidlegare latt vere å rapportere om vala i Berlin. Men denne gongen vart saka underslått av alle nettaviser utanom Dagsavisen og Nationen. Heller ikkje Klassekampen er så ivrige på å melde om dette.

    Dagbladet og Nordlys hadde ingen ting. Sjølvsagt går denne tyske opinionstendensen stikk imot den norske. Men det er vi så vel vant til; vi ligg gjerne fem til ti år etter. Og vi forstår godt alle dei politikarane og politiske journalistane som har lyst til å skuve ei slik nyheit til side og underslå den overfor publikum.

    Dagsavisen har dessutan ei rimeleg forklaring på PDS´ suksess: Det var det einaste partiet som tok prinsipielt avstand frå krigen i Afghanistan. Og dei kunne føydd til: Dei var dei einaste som også tok klart avstand frå krigen mot Jugoslavia. Die Grünen har svikta i desse sakene, slik også SV gjorde når det gjaldt Jugoslavia.

    Tysk antikrigs-opinion tar klart standpunkt til USA/NATOs krigar når dei går til valurnene. Når vil norske veljarar gjere det samme?

    Hartvig Sætra,
    Troms NKP.

(KLIKK HER.)
TIL MARXISTISK LITTERATUR.
INNFØRINGSKURS I MARXISME.

Klikk her for å få kontakt med Nordland N.K.P. For å vite noe mere om han som vedlike holder disse sidene. For å lese Det Kommunistiske Manifest. For å lese arbidspogramet til NKP. Til NKUs sider der finer du linker til andre organisasjoner og littratur.