Juks i Klassekampen om SF i 1961.

    Det er klart at i våre dagar er det deltaking i TV-debattar som er viktigast for veljaroppslutninga. Og RV er såre fordi dei ikkje får sleppe til i lag med dei store. Men det er dei ikkje åleine om. Trass i eit aukande medlemstal og stadig større oppslutning i skoleval, er NKP langt meir systematisk utestengt frå media enn RV er.

    Og medias behandling av småpartia var verre før i tida. for eksempel da SF blei stifta i 1961. Leiarartikkelen i KK den 23.08. påstår: Uten Finn Gustavsen i ruta, med hodet på skakke, pipa i kjeften og snakketøyet i orden, ville SF neppe fått valgt sine to første stortingsrepresentanter i 1961.

    Dette er sprøyt. For det første fekk aldri SF sleppe til i TV i 1961; knapt nok i radio. Så vidt eg minnest var eit ganske kort radioprogram med Knut Løfsnes det einaste som eit NATO- og DNA-dominert NRK gav SF.
    Som valkampsekretær for SF i Nordland i 1961 kunne eg konstatere at eg ikkje såg eit einaste TV-apparat i fylket. Derimot møtte nesten halvparten av innbyggarane i Sausvatn i Velfjord opp i samfunnshuset, til ein sterk og innsiktsfull valdebatt med SF. I Velfjord fekk SF 47% av stemmene.

    Få av dei kjente Finn G., og da verken hodestillinga, pipa eller snakketøyet, men dei såg hans namn i avisa Orientering. Langt fleire visste av Nordlands-kandidaten, redningsskøyte-skipperen Asbjørn Holm.

    For folk i Velfjord og andre kystbygder sto han som ein reinkarnasjon av Nygaardsvold-æraen, og som ein representant for det tredje standpunkt og NATO-motstanden. Den tida telte faktisk politikken meir enn trynet på politikaren.

    Hartvig Sætra,
    NKP

(KLIKK HER.)
TIL MARXISTISK LITTERATUR.
INNFØRINGSKURS I MARXISME.

Klikk her for å få kontakt med Nordland N.K.P. For å vite noe mere om han som vedlike holder disse sidene. For å lese Det Kommunistiske Manifest. For å lese arbidspogramet til NKP. Til NKUs sider der finer du linker til andre organisasjoner og littratur.