Demokrati?

- Tenk dykk at me las om eit val som gjekk føre seg ein eller annan plass i den tredje verda, der den sjølvutnemnde vinnaren var son av den tidlegare statsministeren, og at den tidlegare statsministeren sjølv var tidlegare sjef i det hemmelege politiet (CIA).

- Tenk dykk at den sjølvutnemnde vinnaren ikkje fekk flest røyster, men vann valet på grunn av ein eller annan gammal kolonial skikk frå landet si før-demokratiske fortid (valmannsforsamling).

- Tenk dykk at den sjølvutnemnde vinnaren sin "siger" kvilte på at omstridde røyster ikkje var godkjende i ein provins der hans eigen bror regjerte!

- Tenk dykk at dårleg utforma røystesetlar i eit distrikt - eit distrikt der den sjølvutnemnde vinnaren sin konkurrent var mykje meir populær - førde til at tusenvis av veljarar røysta på feil kandidat.

- Tenk dykk at medlemmer av den mest tilsidesette gruppa i staten var livredde eller redde for levevegen sin, men tok ut i rekordstore flokkar for å røyste på noko nær motsett av den sjølvutnemnde vinnaren sitt program.

- Tenk dykk at hundrevis av medlemmene av denne mest tilsidesette gruppa vart stansa på veg til røystestadane av det lokale politiet som opererte under leiing av bror til den sjølvutnemnde vinnaren.

- Tenk dykk at 6 millionar menneske røysta i den omstridde provinsen og at den sjølvutnemnde vinnaren si "leiing" berre var på 327 røyster. Visseleg færre enn feilmarginen til teljemaskinene.

- Tenk dykk at den sjølvutnemnde vinnaren og partiet hans motsette seg eit meir nøyaktig ettersyn for hand og omatt-teljing av røystesetlane i den omstridde provinsen eller i det mest omstridde distriktet.

- Tenk dykk at den sjølvutnemnde vinnaren - sjølv guvernør i ein stor provins - når det galdt menneskerettar hadde det verste rullebladet av alle provinsar i landet hans, og faktisk var leiande når det galdt avrettingar.

- Tenk dykk at ein viktig vallovnad frå den sjølvutnemnde vinnaren var å peike ut likesinna menneskeretts-krenkarar til livstidsstillingar i høgsterett i landet.

Mari Aasen,
Tromsø NKP