NATOs krigsbrotsverk på Balkan .

    Den 25.10.00 kom det ei melding gjennom Global Reflexion til Friheten. Der sto det at nokre italienske soldatar i Kosovo hadde fått blodkreft, truleg på grunn av utarma uran som var brukt i NATO-ammunisjon. Det var også sterke reaksjonar i den spanske og den portugisiske kontingenten i KFOR. På grunn av trykkingstida kunne Friheten først slå saka opp den 03.11. Da hadde heilt sikkert både dei store avisene og kringkastingsstasjonane hatt saka like lenge som oss, utan å nemne eit ord.

    Etter Frihetens oppslag kom det samme kveld meldingar på Aftenpostens IT-sider om saka. Dagen etter kom det forsiktige oppslag både der og i Dagbladet. Men så stilna saka av.

    Likevel var mange blitt alarmert. FNs Miljøprogram var alt i aksjon etter den første meldinga, og vil legge fram rapport i denne månaden. Befalets Fellesorganisasjon i Norge krev gransking. Men generalmajor Leif Rosèn i Forsvarets Sanitet avviser saka.

    Nye opplysningar i Aftenposten 28.12.00 viser at elleve italienske soldatar har fått blodkreft. Fire er døde.

    Serbia har tidlegare meldt om 200 soldatar med blodkreft. Dette er avvist av NATO som propaganda. Men i forhold til dei italienske tala verkar dei serbiske opplysningane heilt pålitelege, når ein ser på at dei serbiske soldatane er langt fleire, og at dei har vore enda sterkare eksponert for den giftige ammunisjonen.

    Kor mange serbiske soldatar er døde? Femti? Åtti? Og kor mange barn og andre sivile vil døy? Den serbiske og den kosovo-albanske sivilbefolkninga, som bur midt i området, dyrkar maten sin der og drikk vatnet.
    Det blir KFOR-soldatane spart for. Aftenposten stadfester den meldinga som Friheten hadde 03.11. om at dei fleste KFOR-kontingentane får både mat og drikkevatn inn med fly, fordi dei ikkje tør bruke lokale ressursar.

    Dersom den enormt høge kreft-frekvensen i KFOR forplantar seg til lokalbefolkninga - noko som heilt sikkert allereie er skjedd - vil offera for NATOs krig i Kosovo bli langt fleire enn offera for serbisk milits før krigen braut ut.

    Og dioxin og PCB kjem i tillegg. Nyleg sendte Norsk Biologforening BIO eit brev til Miljøverndepartementet om utarma uran (DU). Dei nemner også at det har blitt registrert helsefarlege konsentrasjonar av dioxin og PCB i det nordlege Hellas, som følgje av bombingane og brannane i Serbia og Kosovo.

    Mellom Serbia og Hellas ligg eit heilt land Makedonia. Dermed kan ein rekne med at konsentrasjonane i Kosovo og sjølve Serbia er det mangedoble av Hellas. Det er ei velkjent sak at også desse giftene vil ta menneskeliv.

    NATOs krig , som både Stoltenberg, Bondevik, Hagen og Kristin Halvorsen applauderte, var grunngjeven ut frå serbiske drap på sivile i Kosovo. Til denne tid har det blitt dokumentert mindre enn 3000 offer for slike drap, som også omfattar geriljamedlemmer involvert i krigen.

    Desse skandalesakene viser at NATO kjem til å drepe langt fleire, til og med i Kosovo, enn Milosevics tropper og Seseljs milits har klart. Likevel krev dei Milosevic utlevert til domstolen i Haag. Mens Kostunica får tvert nei når han vil stille NATO til ansvar for denne domstolen.

    Hartvig Sætra, NKP

(KLIKK HER.)
TIL MARXISTISK LITTERATUR.
INNFØRINGSKURS I MARXISME.

Klikk her for å få kontakt med Nordland N.K.P. For å vite noe mere om han som vedlike holder disse sidene. For å lese Det Kommunistiske Manifest. For å lese arbidspogramet til NKP. Til NKUs sider der finer du linker til andre organisasjoner og littratur.