Kapitalens globalisering trugar verda
kommunistane for rettvis utvikling

Finlands Kommunistiske Arbeiderparti, Norges Kommunistiske Parti og Sveriges Kommunistiske Parti
heldt Nordkalottkonferanse i Kolari, Finland 1.-2. juli.

    Hovudsakene var globalisert økonomi og følgjer av nyliberalismen. EU går inn for ein slik politikk. Han fører til at kapitalen utbytter folk sitt arbeid meir. Den offentlege økonomien vert svekka og rettane til folk likeeins. Privatisering råkar alle område, også eldreomsorg og helsestell. Jamvel om økonomien går bra vert arbeidsløysa halden høg i fleire land.

    Kommunistane på Nordkalotten går imot denne politikken og fremjar ein rettferdig, annan veg:

    - Vi krev at regjeringane i Finland, Noreg og Sverige endrar politikken sin slik at folk sine inntekter og levekår vert trygga. Vi seier NEI til privatisering av offentlege tenester og ressursar, og krev at grunnleggjande tenester framleis blir eit samfunnsansvar.

    - Vi vil motarbeide militarismen, til gagn for freden. Eit strakstiltak er å kutte militærbudsjetta til halvparten.

    Vi er sterkt imot "Nye Nato" som går inn militært utanfor Nato-området. Noreg må ut av Nato; Sverige og Finland må ikkje halde fram med sine tette operative bindingar til Nato.

    - For å verne om dei nasjonale økonomiane og sikre folks utkomme, må kapitalflyten regulerast. Ut frå dette seier vi NEI til norsk medlemskap i EU og EU-tilpassing gjennom EØS; og svensk medlemskap i ØMU. Vi går inn for at Finland og Sverige forlet EU, og aksepterer ikkje unionens ny-koloniale politikk mot Nordvest-Russland, den såkalla "nordiske dimensjonen".

    - Utbyttet til kapitaleigarane må bli oreigna gjennom skattlegging og komme folket til gode. Grupper med høge inntekter må skattleggast til gagn for pensjonistar, studentar, arbeidslause og sjukmelde. Fagrørsla skal ha hovudrolla i fordelingspolitikken. Vi krev krafttiltak for fleire jobbar på Nordkalotten. Helsestell og eldreomsorg må få auka, ikkje mindre løyvingar.

    Kurt Björnfot, SKP, Torstein Engelskjøn, NKP og Marja Eronen, FKAP

(KLIKK HER.)
TIL MARXISTISK LITTERATUR.
INNFØRINGSKURS I MARXISME.

Klikk her for å få kontakt med Nordland N.K.P. For å vite noe mere om han som vedlike holder disse sidene. For å lese Det Kommunistiske Manifest. For å lese arbidspogramet til NKP. Til NKUs sider der finer du linker til andre organisasjoner og littratur.