Den 21. oktober i år hadde Dagbladet ein av sine mest sensasjonelle reportasjar på
mange tiår. Men få vil ha lagt merke til det, for avisa sjølv gjømte det bort på side 23!
Verken Dagbladet sjølv eller andre norske aviser har kommentert saka. Den einaste
kommentaren til nå er komen frå vekeavisa Dag og Tid, som spør om ikkje domstolen
i Haag nå bør ta ein titt på Vollebæk! - Det er det mange som er einige i.
Grunnen til dette forstår vi når vi ser på realitetane i intervjuet, som Dagbladets
Håkon Lund hadde med utanriksminister Knut Vollebæk i Berlin.
Overskrifta er: Tviler på egen Kosovo-aksjon, under bildet av utanriksministeren.
Han seier i følgje reporteren at:
Vi har ikke klart å skape trygghet og sikkerhet, lov og orden i Kosovo, slik vi hele
tida understreket var det viktigste.
Han seier også at
det internasjonale samfunn har ikke nådd sine mål med NATO-aksjonen i Kosovo.
Men vi kan ikke skru klokka tilbake. Vi kjente selvfølgelig ikke de totale
konsekvensene av de beslutningene vi tok. .. Mange ting burde vært gjort
annerledes. Det gjelder hele forberedelsesprosessen Vi var ikke villige til å sette
inn det forebyggende diplomatiet på et tidlig tidspunkt.
|
- Riktig nok føyer han til at
Da vi kom til mars i år, var dette ikke lenger mulig.
Men i det blir han kraftig motsagt av nesten alle internasjonale fredsforskarar. Mange
av dei peika på desse konsekvensane allereie før bombinga starta 24. mars i år. Den
mest markante av desse var Jan Øberg.
Som OSSE-formann var Vollebæk i realiteten den som gav NATO klarsignal for
bombing, da han drog observatørane tilbake frå Kosovo i mars. Inntil da var det i
følgje den danske SF-veteranen Gert Petersen berre påvist 75 døde i denne konflikten
på heile tiåret 1989 99. Til samanlikning drap indonesiske styrkar 100 000 av 800
000 austtimoresarar berre i løpet av eitt år, 1974-75, utan at vestlege statsleiarar
reagerte!
Som Dag og Tid vil også vi gjere norske media og domstolen i Haag merksam på
denne super-sensasjonen av eit intervju, der Norges statsminister langt på veg tilstår
dei krigsbrotsverka som ein internasjonal juristkommisjon med basis i Canada har
skulda han for. Den argumentasjonen dei har lagt til grunn for å melde Vollebæk til
krigsforbrytar-domstolen, går i stor grad på dei momenta som han sjølv angrar på i
intervjuet.
Vollebæks orsakingar for brotsverka blir uttrykt slik: Vi kjente naturligvis ikke de
totale konsekvenser av de beslutningene vi tok.
- Har du hørt den før?
Hartvig Sætra.
|
