Norsk suksess med forbetringspotensiale.

    Noreg er eitt av fire land som har minst skilnad mellom sjefar og tilsette si løn, syner ei ny undersøking av lønsskilnader i 50 land verda over. Denne plasseringa har Noreg oppnådd samstundes med at landet vårt i ei årrekke har blitt kåra som det beste landet å bu i av SN, basert på utvalde velferdsindikatorar. Og norsk økonomi ”går så det susar”.

    Den gongen då lønsskilnadene var mindre enn i dag, og innslaget av statleg styring i det økonomiske livet var sterkare, nemleg frå 1945 til kring 1980, var veksten i økonomi, levestandard og velferd endå større enn i dag. Det var då grunnlaget for den norske suksessen vart lagt; Noreg gjekk den lange vegen frå eitt av dei fattigaste landa i Europa til verdstoppen.

    I nyare tid har likevel lønsskilnadene auka, og vi risikerer derfor å tape terreng internasjonalt. Eit første varsel om dette kan kanskje vere at Noreg vart passert av Island som det beste landet å bu i i den siste SN-kåringa.

    Moralen må bli at utjamning av levekåra, ein sterk velferdsstat og statleg regulering av det økonomiske liv har vore ei suksesshistorie utan like. All fornuft tilseier at Noreg må gå vidare langs denne vegen, og snu dei aukande lønsskilnadene. Vi kan ikkje kvile på laurbæra, men må slå ring om det vi har oppnådd og kjempe for større utjamning. Likskap løner seg!

    Kjell Underlid

    Medlem av Bevegelsen for Sosialisme (BfS)

(KLIKK HER.)
TIL MARXISTISK LITTERATUR.
INNFØRINGSKURS I MARXISME.

For å vite noe mere om Bevegelsen for Sosialisme. For å vite noe mere om han som vedlike holder disse sidene. For å lese Det Kommunistiske Manifest. For å lese arbidspogramet til NKP. Til NETTAVIS for Bevegelsen for Sosialisme.