Verdens Gang melder på heile førstesida at forsvarsminister Grethe Strøm Erichsen gret då ho fekk høyre om den norske soldaten som mista livet i Afghanistan.

    Like før denne tragiske hendinga vart det rapportert at norske soldatar hadde drepe 25 afghanarar, men dette synest ikkje å ha utløyst dei same kjenslereaksjonane hos Strøm Erichsen. Men er ikkje livet til desse menneska like mykje verdt, jamvel om dei er mørke i huda, er fattige og dårleg utrusta militært? Sorga er sikkert like botnlaus hos deira næraste pårørande.

    Forsvarsministeren sine tårer bør også sjåast i samanheng med at ho sjølv har vore ein av dei fremste pådrivarane når det gjeld å sende norske soldatar til dette fjerne fjell-landet på den motsette sida av jordkloden, eit land som aldri har truga Noreg militært.

    Dei norske soldatane skal hjelpe USA i landet sin ”krig mot terror”, ein krig som dagleg skaper meir terror.

    Forsvarsministeren skulle heller konsentrere seg om å trekke Noreg ut av dette moralske og politiske uføret. Drepinga i Afghanistan må stoppast!

    Kjell Underlid

    Medlem av Bevegelsen for Sosialisme (BfS)

(KLIKK HER.)
TIL MARXISTISK LITTERATUR.
INNFØRINGSKURS I MARXISME.

For å vite noe mere om Bevegelsen for Sosialisme. For å vite noe mere om han som vedlike holder disse sidene. For å lese Det Kommunistiske Manifest. For å lese arbidspogramet til NKP. Til NETTAVIS for Bevegelsen for Sosialisme.