Djevelen var her, og det luktar enno svovel! Slik ordla den venezuelanske
presidenten Hugo Chávez seg i ein tale i SN for nokre dagar sidan. "Djevelen"
var den amerikanske presidenten George Bush, som hadde tala i same
forsamling like før. Chávez kalla Bush for ein "tyrann" som opptrer som ein
verdsherskar - jfr. Irak og Afghanistan. Vi må vel tilbake til Oluf Palme
for å finne liknande språkbruk frå ein statsleiar - han tala som kjent om "disse
satans mördare" i samband med USA si teppebombing i Vietnam kring 1970.
Men "djevelen" er visst på ferde fleire stader. I eit intervju med Pakistan
sin president Pervez Musharraf på CBS sitt "60 Minutes", vert følgjande
avslørt:
|
USA truga med å bombe Pakistan attende til steinalderen dersom
ikkje Musharraf stilte fullt og heilt opp om USA sin "krig mot terrorisme".
Trugsmålet vart framsett av den amerikanske visestatsministeren Richard
Armitage overfor Pakistan sin etterretningssjef.
Som nær NATO-alliert burde også Noreg protestere i klare ordelag mot USA sin
arroganse, dominans og maktmisbruk i internasjonal politikk. Den norske
utanriksministeren har her noko å lære av Hugo Chávez sin klare ordbruk.
Djevelen si svovellukt er utåleleg.
Kjell Underlid
Medlem i Bevegelsen for Sosialisme (BfS)
|
