Fabrikktilverka egg og kjøtprodukt er i ferd med å ta over marknadene over heile verda. Dette medfører miljømessige og sosiale problem, men skaper også føresetnader for sjukdommar som fugleinfluensa og kugalskap. Det hevdar forskaren Danielle Nierenberg ved Worldwatch Institute i Washington. Nierenberg meiner at den fabrikkprega kyllingproduksjonen, der tusenvis av fuglar vert trengt saman i små rom, kan vere årsaka til fugleinfluensaen.
Dette er eit særs aktuelt døme på motsetninga mellom profittjag og omsynet til menneske, dyr og miljø. Er dette grunnen til at dei store media ikkje har nemnt Nierenberg sine analysar?
Kjell Underlid
Medlem av Bevegelsen for sosialisme (BfS)