ERSTATNING ER IKKJE NOK

Ei ny mappe i POT (no PST) sitt hysj-arkiv er opna, og innhaldet var av ein

slik karakter at offeret har fått 30 000 kroner i erstatning. Det er

Dagbladet som melder dette 27. desember d.å. Denne gongen er det avisa sin

eigen konserndirektør, John Arne Markussen, det gjeld. Han vart ulovleg

overvaka i 1970- og 80-åra. Mappa inneheldt stenografisk referat av ein

telefonsamtale han som journalist hadde med redaktøren i ei samisk avis.

Fortida hans som medlem i Norges Kommunistiske Ungdomsforbund var også

registrert.

Høyr her, justisminister og PST: Desse småpengane til ofra for slik

lovstridig politisk overvaking er ikkje nok! Ofra må, kollektivt og

individuelt, få ei orsaking for den kriminelle trakasseringa som dei har

blitt utsett for.

Dei ansvarlege for desse ugjerningane må straffast. Vi må få ei bindande

forsikring om at slik overvaking av lovleg politisk og yrkesmessig verksemd

ikkje får gjenta seg.

Kjell Underlid

Medlem av Bevegelsen for sosialisme (BfS)