Eg vil ikkje ta standpunkt til dette som generell påstand. Men mange vil reagere med avsky ved å finne at Kroatia står på lista. Under andre verdskrig vart Kroatia styrt av eit blodig nazi-regime som opent uttalte at dei skulle gjere slik med den serbiske befolkninga i landet: ”.... omvende ein tredel, jage ut ein tredel, og drepe ein tredel”. (Ustasja-leiaren Ante Pavelic). Dei overoppfylte det siste, og drap omlag 600 000 serberar i ”Balkans Auschwitz” - Jasenovac. (Karlheinz Deschner: Med Gud for fascistene, Pax 1971). Da Kroatia vart ein sjølstedig stat i 1992, kom det kroatiske nasjonalistpartiet på ny til makta. I følgje pressa, f.eks. Dagbladet 16.6.97 og Bernt Hagtvet i Aftenposten 13.6.97, har det nye styret i Kroatia legalisert naziflagget, nazi-helsingar og -songar. Ante Pavelic er rehabilitert, og mange gater i Zagbreb har fått namn etter nazi-forbrytarar. Etter eit mellomspel med eit litt mindre nazistisk styre - som ikkje endra på noko som helst - har Tudjmans parti på ny vunne valet i landet nå i 2003. Det har vore nokså stilt om Kroatia i norske media - muligens fordi NTB har svært Kroatia-vennlege rapportørar. Ein av dei hevda i ein sirkulærartikkel at det berre var 30 000 som vart drepne i Jasenovac. Han hadde gått på ”historieseminar” hos det kroatiske regimet.
|
Mange av dei har blitt utsett for tvilsame rettssaker i Kroatia, og har rømt frå dette. Det siste er at NRK og andre norske media har brennemerka ein serbiske flyktning frå Kroatia på bakgrunn av ein slik dom Men domstolen i Haag har avvist denne dommen - den lar dei rasistiske juksepavane i norske media vere å opplyse om! I 1999 vart 1100 serberar deporterte av Bombevik I. Og media var med få unntak tause. Nå skal altså serbiske flyktningar enda ein gong stå i gapestokken her i landet, og bli avvist på grunn av sitt etniske opphav. Ennå er det rett å bruke namnet Bombevik på ein statsminister som lar si regjering utvise flyktningar ut frå rase og nasjonalitet. Hartvig Sætra |