Reportasje: Elisabeth

I Vats samla små og store seg til adventsstund på bedehuset laurdag 3.des. Her var unger i alle aldre, foreldre og besteforeldre. Ute var det skikkelig ”ruskaver”, men inne var det pynta og godt og varmt.

Elisabeth hadde andakt om advent, så var det juleverkstad der alle barna fekk laga engel og pynta lys. Mange fine englar og lys blei det. Og det er ekstra kjekt å sitja på eit bestemorsfang å laga julepynt i lag!

Då alle englane og lysa var ferdige, var det graut og småkaker og mandarinar til alle. Og så slutta det av med utlodding med litt av kvart å vinna.