Under ser du den siste fela eg har bygd om. Det er ei "Dronefele" for ein kunde i Sveits. Fela har vanlege fiolinstrengar og 5 understrenger. Ho har ein mørk, djup tone og er svært jamn. Understrengene syng lenge og i forhold til ei hardingfele fordi dei er oppspente i ein relativt roleg stad på stolen (i "hjartet"). Denne fela har trekk av Italienk tone. Høyr Tibors Drone her (1MB)

Fela er gjort på bestilling for ein folkemusiker og fiolinist i Sveits.

Den raude har tjukkleikar som gjennomsnittet av 30 Stradivari fiolinar man med noko tunnare botn slik som i mange Hardingfeler. Dette skal gje ein noko mørkare tone. Opprinneleg vart Stradivari og Guarneri fiolinane laga for kortare strengespenn, med mindre basbjelke og dei hadde tarmstrenger slik som hardingfela har. 
Den brune har platetjukkleikar som i Guarneri del Gesù sine feler. Platene er noko tjukkare, spesielt botnen. Fela har bra med overtonar i seg og er ein modell likande dei gamle hardingfelene frå Bø i Telemark (96% av normal storleik). Ho høyrest godt over andre feler i eit spelemannslag. Nokre vil kanskje meine at ho ikkje er like frisk på basen som ei moderne hardingfele, men fela let spesielt godt når ho er høgt stilt.

Lok vert laga av norsk eller tysk gran, botnane og sragane av tysk løn, hovuda av norsk bjørk eller løn. Stillepinnar, bruer, vert laga av ibenholt. Innleggsarbeid er med elfenbein, kubein eller reindyrhorn og somstundes messing. Rosene er handteikna i familetradisjon etter John H Tjønn (1899-1966) og far min Knut.

Nr 9 under lakkering

Fele frå 2001 som er dekorert av far min, Knut og meg. Eit lydeksempel. Sjå fleire eksempel og det siste instrumentet eg hald på med her. Denne fela er seld til USA.

Nr 6 m strenger

Dette er ei fele laga etter John H Tjønn sin modell i frå 50-åra, same modell som "Den beinlagde" fela til papa, medan kurvene på platene er tilpassing av ein Guarnerius del Gesú form, "Consolo". Fela vart laga i 1996 og er nok ei av dei beste felene eg har laga eller ombygd. Roseteikningane på denne fela er gjort av papa, Knut. Lydeksempel (2,8MB): Bohaeringen.MP3. Fela er selt til ein ung folkemusikar i Brüssel i Belgia.

Nr 6 fingerbrett